Il stab da pumpiers tschenta per uonn aunc las suandontas finamiras: Recrutaziun da novs scharschai
Entras las fusiuns d’avon sis onns posedeva il corp da pumpiers tuttenina memia bia cader. Oz semuossa la situaziun aschia ch’il diember d’offiziers ei aunc adina memia gronds, il diember da scharschai sereducescha massivamein e schai ussa sut il diember effectiv che vegn duvraus. Nus vegnin a stuer tarmetter l’auter onn sis persunas als cuors da scharschai. Schurmetg da flad
Era tier il schurmetg da flad ha ei dau ils davos onns grondas fluctuaziuns da persunal. Ussa daventa il diember da pumpiers era en quella secziun critics aschia ch’ei ha num recrutar niev persunal. Novs pumpiers
El decuors da 2001 e sin la fin digl onn vegnan entgins pumpiers a bandunar il corp. 13 pumpiers novs ein necessaris per emplenir las largias e cuntonscher aschia il diember da pumpiers che vegn giavischaus. Capellinas ed ulteriur material
Nossas capellinas TELED ein buca pli lubidas ella vendita dapi ils 1-1-1998.Las capellinas novas tenor las normas perscrettas vegnan il december. ellas lubeschan d’integrar mascras dil sf, func e cazzola. Entras saver cumbinar ina part dall’empustaziun cun il preventiv da 2002 cuntonschin nus in meglier prezi. Alla fin da 2003 duein tuts pumpiers esser equipai cun capellinas novas.
Plinavon vegn la pumpa d’aua remplazzada. Per spargnar cuosts alla liunga vegnin nus a cumprar ina maschian per far fem che sa era vegnir empristada dad auters corps da pumpiers. Equipament 2002
Il preventiv 2002 preveda la cumpra d’in rest caultschas per ils pumpiers aunc buca equipai. Cun risguadar la cumpra da capellinas vesa la situaziun d’equipament persunal ora sco suonda: pichet equipament cumplet (capellina, giacca, caultschas, vons, calzers, tschenta) tenor las normas novas 1999 schurmetg da flad equipament cumplet (capellina, giacca, caultschas, vons, calzers, tschenta) tenor las normas novas 1999 secziuns suandontas parts ein tenor las normas novas: giacca, caultschas, vons, tschenta per part equipai: calzers, capellina Plinavon vegn il parc da funcziun cumplettaus (era en vesta dallas novas capellinas). Il diember da funcs ei silsuenter cuntonschius, aschia che la communicaziun ei segirada. Pli tard ston aunc treis funcs vegls vegni remplazzai.
Per ils survetsch ssv stuein nus cumplettar ils triopans cun tals da 90cm altezia. Plinavon vein nus constattau tier il davos exercezi da cader che nus duvrein 2 – 3 preits d’aua supplementaras. 2003 vegnan ils davos pumpiers equipai tenor las novas normas. Aschia savein nus terminar quell’acziun stada entschevida 1998. Naven da 2003 ei il corp da pumpiers equipaus taluisa, che tuts responsabels (politicamein e neu dils pumpiers) astgan ver buna cunszienzia pertuccont material sch’ei dat in seracass.
