Mardis, ils 15 d’uost 2000 ei, suenter gleiti in onn da preparaziun, il niev sistem d’alarm vegnius mess en funcziun. Allas 18.09 uras ha la centrala da polizia a Cuera fatg igl alarm d’emprova per la gruppa 3 (corp da pumpiers). 15 minutas pli tard per la gruppa 4 (survetsch samaritan). Ferton che tuts ils telefons analogs e digitals han funcziunau senza problems, eis ei buca stau pusseivel da transmetter igl alarm sur ils natels indicai. Il responsabel dalla Swisscom lavura denton vidlunder aschia ch’il problem duess vegnir sligiaus el decuors dil proxim temps. Tuttina entra il sistem d’alarm naven d’immediat en vigur.