Temps d’unviern – temps da fondue. Temps da stad – temps da grillar!

Per evitar schliatas experientschas suondan cheu sut entgins cussegls co trafficar cun ils apparats:  Gas e pasta ein da principi pli segirs che spiritus. Posiziunar il rechaud silmeins in meter naven dad umbrivals, capetschas da cazzolas etc. Metter rechaud e gril sin ina meisa franca, buca cuvretga cun cozzas. Mo emplenir suenter il barschader cu quel ei sferdentaus. Duvrar igl uvierchel per stizzar il barschader. Tener semtgau la cozza da stizzar, mai duvrar aua persuenter. Buc duvrar grils da cotgla en casa. Prighel da tussegaziun entras monoxid carbonic. Schar controllar grils da gas periodicamein entras in specialist. Tier fried da gas prender immediat il gril ord funcziun e ventilar fetg bein. Adina procurar per buna circulaziun dall’aria. Leger il manual da diever e suandar quel.  Tier barschaments sferdentar immediat duront 15 minutas la part blessada sut aua currenta e tievgia. En cass da blessuras pli grondas ch’ina palma maun e sche vischigias sefuorman eis ei da consultar immediatamein in miedi ni in spital. fontauna: bfu, 3001 Berna