Mellis candeilas sclareschan las notgs liungas e delecteschan nus carstgauns. Mo quell’atmosfera emperneivla sa beinspert era daventar malemperneivla, sil pli tard cu ils pumpiers stattan avon casa. Per che quei capeti buca vein nus tschentau ensemen in pèr cussegls per Vus:   duvrar sulettamein candeliers che san buca barschar e che vegnan da tener si tutta tschera che liua dalla candeila duvrar candeliers cun in bien pei che sederscha buca tgunsch buca metter candeilas ardentas sin materials che brischan tener distanza da material che sa barschar sco gardinas, decoraziuns etc… buca bandunar la stanza aschiditg che las candeilas dil tschupi ardan, mobein stizzar las candeilas avon che bandunar la stanza buca schar anavos affons en stanzas cun candeilas. Affons ein fascinai dil fiug ed enconuschan buc ils prighels. metter tschupials d’advent sin material che sa buca barschar e fermar las candeilas bein vid il tschupi tener distanza cul tschupi da material che sa pigliar fiug remplazzar ad uras las candeilas arsas giu aschia che quellas san buca metter en fiug il tschupi d’advent tschupials d’advent sechentan spert ed aschia daventa il prighel da fiug di per di pli gronds cumprar il pigniel cuort avon la fiasta e metter el el frestg, evtl. en in zeiver aua tschentar il pigniel sin in pei fix che sa buca sederscher eleger in bien plaz pil pigliel cun avunda distanza da gardinas, umbrivals, decoraziuns, mobilias ed apparats electrics buca metter candeilas sut roma ch’ei pli datier che 25 cm, fixar quellas bein sin in rom stabel eleger buns candelors per las candeilas e mirar che las candeilas seigien verticalas envidar las candeilas da sisum engiu e da davostier anavon deponer zulprins sin distanza segira dad affons tener promt material da stizzar (stezzagfiug, cozza da stizzar, sprezza cun sadiala ni zeiver cun aua e lumpa da plantschius). Cun scurlar fermamein la lumpa bletscha san ins contonscher gia in bien effect da stizzar era il pigniel sechenta di per di adina pli fetg ed aschia crescha il prighel da fiug installaziuns electricas: mo duvrar apparats ch’ein adattai al liug e che han neginas colligiaziuns defectas  (fontaunas: Segirada da baghetgs Turitg, Vorlaberg online)